ອ່ານແລ້ວນ້ຳຕາຈະໄຫຼ…!!! ຄູອາສາ ສອນມາຫຼາຍປີບໍ່ມີວີ່ແວວໄດ້ລັດຖະກອນ ສຸດທ້າຍຕ້ອງວາງ ບິກ-ສໍ ແລະ ໃບປະລິນຍາ ຂໍອຳລາໜ້າທີ່ດ້ວຍນ້ຳຕາ.

5045

ອີກໜຶ່ງຄວາມຍໍ້ທໍ້ທີ່ເກີດຂຶ້ນກັບຄູອາສາ ທີ່ ໂຮງຮຽນ ມຕ.ຫ້ວຍເງີນ ເມືອງຈຳປາສັກ ແຂວງຈຳປາສັກ ສອນມາຫຼາຍປີ ບໍ່ມີວີ່ແວວວ່າຊິໄດ້ລັດຖະກອນ ຈົນສຸດທ້າຍຕ້ອງຍອມວາງບີກ-ສໍ ແລະໃບປະລິດຍາ(ປະລິນຍາຄົນຈົນ)ລົງໃວ້ລີ້ນຊັກກ້ອງໂຕ໊ະ ແລ້ວແກວ່ງກະແຈລົງນ້ຳ ຂໍອຳລາຈາກໜ້າທີ່ການງານດ້ວຍນ້ຳຕາ.

ທັງໆທີ່ມີອຸດົມການອັນສູງສົ່ງ ຮັກໃນອາຊີບ ມີຄວາມຜູກພັນກັບລູກສິດດັ່ງດວງໃຈ ອຸທິດຊີວິດເພື່ອໜ້າທີ່ຕະຫຼອດມາ ຍ້ອນເປັນພຽງລູກຊາວໄຮ່ ຊາວນາ ຜູ້ຍາກຈົນບໍ່ມີເງີນ ບໍ່ມີເສັ້ນສາຍ ລາຍລ່ອງ ບໍ່ແມ່ນນາມສະກຸນດັງຄືລູກເຈົ້າຫຼານນາຍ

ເຮັດໜ້າທີເປັນແມ່ພີມຂອງຊາດມາຫຼາຍປີບອກບໍ່ມີໂກຕ້າ(ໂຕເລກລັດຖະກອນ) ແຕ່ຜູ້ຈົບມາອ່ຽມໆເກືອບວ່າບໍ່ໄດ້ສອນຈັກປີ ພັດມີຊື່ໃນໂກຕ້າ(ກູລະອຸກ) ຢັງຈຳຢັງຈື່ຄຳປາໃສຂອງການນຳຊັ້ນສູງເມື່ອ3-4 ປີກ່ອນ

ວ່າຊິປາບຄໍລັບຊັນທີ່ເປັນມະເຮັງຮ້າຍໃຫ້ໝົດໄປ ບໍ່ໃຫ້ມີການຫຼີ້ນເສັ້ນສາຍ ຈົນເຮັດໃຫ້ຄົນຍຸກໃຫມ່ ປຊຊທັງແຜ່ນດິນມີຄວາມຫວັງແລະສັດທາໃນໂຕທ່ານ ແຕ່ນີ້ກໍ່ຜ່ານມາຫຼາຍປີເຕີບ ກໍ່ຢັງປາກົດເຫັນບັນຫາດັ່ງກ່າວຢູ່ເລື້ອງໆ

ນັບແຕ່ທ້ອງຖິ່ນຈົນຮອດ ເພື່ອບໍ່ໃຫ້ຄຳເວົ້າຂອງເພິ່ນດັ່ງກ່າວເປັນພຽງລົມພັດໄຜ່ ຂໍໃຫ້ທຸກຄົນທຸກທ່ານເປັນຫູເປັນຕາຊ່ວຍສົ່ງຂ່າວໃຫ້ລຸງທອງເຮົາຮູ້ນຳແດ່ເດີ້ ຜ່ານທາງໃດກໍ່ໄດ້ເພື່ອເພິ່ນຊິໄດ້ແກ້ໄຂໃຫ້…