ຜົວຂ້າເມຍຖືພາ9 ເດືອນ ແລ້ວຫຼົບໜີ. ຫລ້າສຸດຜູ້ເປັນຜົວໄປຜູກຄໍເສຍຊີວິດ

2184

ຜົວຂ້າເມຍຖືພາ9 ເດືອນ ແລ້ວຫຼົບໜີ. ເມື່ອວັນກ່ອນ ແລະ ຫລ້າສຸດຜູ້ເປັນຜົວໄປຜູກຄໍຕາຍ ປ່ອຍໃຫ້ລູກ ປີປາຍເປັນກຳພອຍຢູ່ຄົນດຽວ

ໜວ່ຍກູ້ຊີບອົງການກາແດງແຂວງວຽງຈັນ ລາຍງານໃຫ້ຮູ້ວ່າ ໃນວັນທີ 18.6.2020 ເວລາ 22:20ໂມງໄດ້ຮັບແຈ້ງເຫດຜ່ານ ເບີ 023 1625 ວ່າມີເຫດຜົວຄາດຕະກຳເມຍໂຕເອງ ຢູ່ທີ່ບ້ານນາຊູ ເມືອງໂພນໂຮງ ແຂວງວຽງຈັນ(ຜູ້ເສຍຊີວິດກຳລັງຖືພາໄດ້ປະມານ 9 ເດືອນ)

ຫຼັງຈາກນັ້ນ ຜູ້ເປັນຜົວໄດ້ຫຼົບໜີເຂົ້າປ່າເພື່ອໜີຄະດີ ແຕ່ຫຼ້າສຸດມື້ນີ້ ວັນທີ 22.6.2020 ມີແຈ້ງມາວ່າມີຜູ້ຜູກຄໍຕາຍຢູ່ເຂດບ້ານດຽວກັນ ເຈົ້າໜ້າທີ່ໄດ້ສັນນິສູດແລ້ວປະກົດວ່າແມ່ນຜູ້ເປັນຜົວຂ້າເມຍຖືພາ 9 ເດືອນ ໃນມື້ວັນກ່ອນ ຂໍ້ມູນຮູ້ຕື່ມອີກວ່າ ທັງສອງເປັນຜົວເມຍກັນ ແລະ ມີລູກສາວອາຍຸປີປາຍ ແລະ ກຳລັງຈະຄອດແຕ່ເກິດເຫດເສົ້ານີ້ກ່ອນ

ປັດຈຸບັນໜ່ວຍງານກ່ຽວຂ້ອງໄດ້ມອບສົບໃຫ້ຍາດພີ່ນ້ອງ ເພື່ອທຳພິທີສາສະໜາ
ເສຍໃຈນຳຍາດພີ່ນ້ອງໃນເຫດການຄັ້ງນີ້ດ້ວຍ.