Homeຂ່າວຂ່າວຕ່າງປະເທດ

ຂ່າວຕ່າງປະເທດ

ໜຸ່ມສຸດຊ້ຳ ບໍລິຈາກໝາກໄຂ່ຫຼັງໃຫ້ແມ່ແຟນ

ໜຸ່ມສຸດຊ້ຳ ບໍລິຈາກໝາກໄຂ່ຫຼັງໃຫ້ແມ່ແຟນ ຫຼັງຜ່າຕັດບໍ່ເຖິງເດືອນ ແຟນໜີໄປແຕ່ງດອງ ຜູ້ໃຊ້ຕິກຕ໊ອກຊື່ວ່າ ອຸດຊີເອລ ມາເນສ ຈາກລັດບາຮາຄາລິບຟໍເນຍ ປະເທດແມັກຊີໂກ ແຊຣ໌ປະສົບການກ່ຽວກັບຄວາມຮັກອັນແສນເສົ້າໃນຕິກຕ໊ອກຈົນກາຍເປັນກະແສໄວຣັສ ລາວວ່າແຟນສາວຖິ້ມລາວຢ່າງໂຫດຮ້າຍພາຍໃນເວລາບໍ່ເຖິງໜຶ່ງເດືອນ ຫຼັງຈາກລາວບໍລິຈາກໝາກໄຂ່ຫຼັງໜຶ່ງຂ້າງໃຫ້ກັບແມ່ຂອງແຟນສາວ ກ່ອນຈະສຸດຊ້ຳ ແຟນສາວເຂົ້າວິວາກັບຊາຍຄົນໃໝ່ແບບສາຍຟ້າແລບ ອຸດຊີເອລຍັງເວົ້າອີກວ່າລາວເລືອກທີ່ຈະດັອບການຮຽນມະຫາວິທະຍາໄລຮາວາດ ເຊິ່ງເປັນມະຫາວິທະຍາໄລຊັ້ນນຳຂອງໂລກ ເພື່ອທີ່ຈະໄດ້ໃກ້ສິດກັບແຟນສາວຂອງລາວຫຼາຍຂຶ້ນ ແຕ່ການກະທຳທີ່ເສຍສະຫຼະດັ່ງກ່າວນີ້ກໍ່ຍັງບໍ່ພຽງພໍທີ່ຈະຮັກສາຄວາມສຳພັນຂອງລາວໄດ້ ແລະຍັງໄດ້ກ່າວອີກວ່າ: ຂ້ອຍໄດ້ບໍລິຈາກໝາກໄຂ່ຫຼັງໃຫ້ແມ່ຂອງນາງ ແຕ່ນາງຖິ້ມຂ້ອຍໄປແຕ່ງງານກັບຄົນອື່ນ ໃນອີກໜຶ່ງເດືອນຕໍ່ມາເທົ່ານັ້ນ.ວີດີໂອຖືກແຊຣ໌ ມີຊາວຕິກຕ໊ອກຈຳນວນຫຼາຍແຫ່ມາໃຫ້ກຳລັງໃຈແລະປອບໃຈຢ່າງຫຼາຍ ໂດຍມີຄົນຮັັບຊົມເຖິງ 16.7 ລ້ານຄັ້ງ ຢ່າເສົ້າເລີຍ ລາວຄືສຸພາບບຸລຸດທີ່ຍອມເສຍສະຫຼະເພື່ອຄວາມຮັກໄດ້ ກ້າວໄປຂ້າງໜ້າແລະຊອກຜູ້ຍິງທີ່ສົມບູນແບບທີ່ເຫັນຄວາມດີແລະເຫັນຄ່າຂອງເຈົ້າ ນາງຈະຕ້ອງເສຍໃຈທີ່ຖິ້ມເຈົ້າໄປບໍ່ໄຍດີແບບນີ້.

ໄທຂຸ້ນຂ້ຽວວາງແຜນສ້າງທາງລົດໄຟຄວາມໄວສູງເຊື່ອມຕໍ່ລົດໄຟລາວ-ຈີນ ຄາດໃຫ້ສຳເລັດ 2028

ໄທຂຸ້ນຂ້ຽວວາງແຜນສ້າງທາງລົດໄຟຄວາມໄວສູງເຊື່ອມຕໍ່ລົດໄຟລາວ-ຈີນ ຄາດໃຫ້ສຳເລັດ 2028 ອີງຕາມຂ່າວ ຄົມ-ຊັດ-ລຶກ ຂອງໄທ ວັນທີ 18 ມັງກອນ 2022 ນີ້ວ່າ: ຄະນະລັດຖະມົນຕີໄດ້ມີການປະຊຸມປຶກສາຫາລື ວາງແຜນສ້າງທາງລົດໄຟຄວາມໄວສູງເຊື່ອມຈອດກັບເສັ້ນທາງລົດໄຟລາວ-ຈີນ ໃຫ້ເປັນ ລົດໄຟລະຫວ່າງ 3 ປະເທດ ໄທ-ລາວ-ຈີນ ຢ່າງມີປະສິດທິພາບ. ເບື້ອງຕົ້ນໄດ້ມີການກຳນົດການກໍ່ສ້າງອອກເປັນ 2 ໄລຍະຄື: ໄລຍະທີ1 ແຕ່ກຸງເທບ-ນະຄອນຣາຊະສີມາ ພວມກໍ່ສ້າງ ເຊິ່ງຄາດໃຫ້ສຳເລັດປີ 2026. ໄລຍະທີ2 ແຕ່ນະຄອນຣາຊະສີມາ-ໜອງຄາຍ ພວມຢູ່ໃນະລະຫວ່າງການວາງແຜນນະໂຍບາຍດ້ານຊັບພະຍາກອນ ແລະ ສິ່ງແວດລ້ອມ ພ້ອມທັງປະເມີນຜົນການກະທົບສິ່ງແວດລ້ອມ ເຊິ່ງຄາດວ່າໃຫ້ສຳເລັດໃນປີ 2028 ສຳລັບວຽງງານການກໍ່ສ້າງຂົວຂ້າມນໍ້າຂອງແຫ່ງໃໝ່ຈະສ້າງຫ່າງຈາກຂົວເກົ່າປະມານ 30 ແມັດ, ເພື່ອຮອງຮັບລາງລົດໄຟມາດຕະຖານ 1 ແມັດ ເຊິ່ງຢູ່ໃນຂັ້ນຕອນການເຈລະຈາລາວ-ໄທ ໃນການຮ່ວມທຶນ ແລະ ຄ່າໃຊ້ຈ່າຍໃນການກໍ່ສ້າງ.

ຈີນເລັ່ງສ້າງຫ້ອງກັກໂຕ 5,000ຫ້ອງ

ຈີນເລັ່ງສ້າງຫ້ອງກັກໂຕ 5,000ຫ້ອງ ເພື່ອຮອງຮັບຜູ້ຕິດເຊື້ອໂຄວິດ ແຂວງເຫີໜານໄດ້ສ້າງສະຖານທີ່ກັກໂຕຂະໜາດໃຫຍ່ທີ່ສາມາດຮອງຮັບປະຊາຊົນມາກັກໂຕໄດ້ເຖິງ 5,000 ຄົນໃນວັນທີ 16 ມັງກອນ 2022 ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ແຂວງເຫີໜານ ທາງພາກກາງຂອງປະເທດຈີນໄດ້ເລີ່ມຕົ້ນກໍ່ສ້າງສະຖານກັກໂຕເພື່ອຄວບຄຸມການລະບາດຂອງພະຍາດໂຄວິດ-19 ຢ່າງຮີບດ່ວນ ເພື່ອຊ່ວຍຫຼຸດຜ່ອນບັນຫາການຂາດແຄນຫ້ອງກັກໂຕໃນປັດຈຸບັນ ໂດຍສະຖານທີ່ກັກໂຕແຫ່ງນີ້ຈະມີຫ້ອງກັກໂຕຢູ່ 5,000 ຫ້ອງ. ໃນການລາຍງານໄດ້ລະບຸວ່າຫ້ອງກັກໂຕແຕ່ລະຫ້ອງຈະມີຫ້ອງນໍ້າແຍກເປັນຂອງຕົນເອງ ລວມເຖິງເຄື່ອງເຮັດຄວາມຮ້ອນພະລັງງານໄຟຟ້າ, ເຄື່ອງໃຊ້ໄຟຟ້າ ແລະ ສິ່ງອໍານວຍຄວາມສະດວກອື່ນໆ ເພື່ອຮອງຮັບຄວາມຕ້ອງການໃຊ້ງານໃນຊີວິດປະຈໍາວັນຂອງຜູ້ທີ່ເຂົ້າຮັບການກັກໂຕ ເຊິ່ງຈະເປັນພະນັກງານ ຫຼື ບຸກຄະລາກອນທີ່ເຮັດວຍກຢູ່ພາຍໃນທ້ອງຖິ່ນ. ທັງນີ້ເມືອງ ຊູຊາງ ເປັນເມືອງທີ່ຕັ້ງຢູ່ໃນແຂວງເຫີໜານກໍໄດ້ມີການຕັ້ງຈຸດກັກໂຕສ່ວນກາງ 70 ບ່ອນ ທີ່ມີຂະໜາດຫ້ອງກັກໂຕ 11,665 ຫ້ອງ ແລະ ເປັນການກັກໂຕປະຊາຊົນແບບລວມສູນ 10,454 ຄົນ. ທີ່ມາ: ລາວໂພສ

ງານວິໄຈໃຫ້ຮູ້ວ່າ ຜູ້ຊາຍຈະຫຼໍ່ຂຶ້ນເມື່ອໃສ່ຜ້າປິດປາກ-ດັງ

ງານວິໄຈໃຫ້ຮູ້ວ່າ ຜູ້ຊາຍຈະຫຼໍ່ຂຶ້ນເມື່ອໃສ່ຜ້າປິດປາກ-ດັງ ໃນວັນທີ 10 ມັງກອນ 2022 ຜ່ານມາ, ສຳນັກຂ່າວ SpringerOpen ໄດ້ລາຍງານເຖິງຜົນການວິໄຈຂອງມະຫາວິທະຍາໄລ Cardiff, ປະເທດອັງກິດ ນຳໂດຍ ທ່ານໝໍ Michael Lewis ຜູ້ຊ່ຽວຊານດ້ານຈິດຕະວິທະຍາ ແລະ ໃບໜ້າ. ໂດຍທ່ານໝໍ Lewis ໄດ້ເປີດເຜີຍວ່າ: ປັດຈຸບັນ, ຜູ້ຄົນມີມຸມມອງຕໍ່ການໃສ່ຜ້າປິດປາກ-ດັງ ທີ່ປ່ຽນໄປເພາະກ່ອນໜ້ານີ້ຄົນເຄີຍເບິ່ງວ່າການໃສ່ຜ້າປິດປາກດັງ ຈະມີຄວາມກ່ຽວຂ້ອງກັບອາການປ່ວຍເປັນຫວັດ, ໄອ ແລະ ຄວນຢູ່ໃຫ້ຫ່າງ. ເຊິ່ງການວິໄຈໃນຄັ້ງນີ້ໄດ້ດຳເນີນການເກັບຂໍ້ມູນໂດຍການໃຫ້ອາສາສະມັກ ທີ່ເປັນຜູ້ຍິງຈຳນວນ 43 ຄົນມານັ່ງໃຫ້ຄະແນນໂດຍເລືອກຮູບຂອງຜູ້ຊາຍແຕ່ລະຄົນຈະມີ 10 ຮູບດ້ວຍກັນ ແລະ ຈະຕ້ອງເລືອກມາ 1 ຮູບທີ່ຄິດວ່າດູດີທີ່ສຸດ. ຜົນປາກົດວ່າ: ສ່ວນໃຫຍ່ແລ້ວຜູ້ເຂົ້າຮ່ວມຈະເລືອກຮູບພາບຜູ້ຊາຍທີ່ໃສ່ຜ້າປິດປາກ-ດັງ ຫຼາຍທີ່ສຸດບາງຄົນກໍ່ສະແດງຄວາມຄິດເຫັນວ່າຜູ້ຊາຍຕອນທີ່ໃສ່ຜ້າປິດປາກດັງຈະດູດີຫຼາຍກວ່າຕອນທີ່ເຫັນໃບໜ້າ. ຈາກປະເດັນນີ້ ທ່ານໝໍ  Lewis ໄດ້ລະບຸຕື່ມອີກວ່າ: ມີຄວາມເປັນໄປໄດ້ທີ່ຜ້າປິດປາກ-ດັງ ເຮັດໃຫ້ຄົນມີສະເໜ່ຂຶ້ນ ເປັນຍ້ອນວ່າ...

ເຕືອນໜຸ່ມໆທີ່ຖ່າຍຮູບໃຫ້ແຟນບໍ່ງາມ ລະວັງເຈິະແບບນີ້

ເຕືອນໜຸ່ມໆທີ່ຖ່າຍຮູບໃຫ້ແຟນບໍ່ງາມ ລະວັງເຈິະແບບນີ້ ມີເຫດການຝາກມາເຕືອນທ່ານຊາຍຫຼາຍໆຄົນ ເມື່ອມີສາວຄົນໜຶ່ງມີມັກຮັກການຖ່າຍຮູບເປັນຊີວິດຈິດໃຈ ແລະ ຢາກໄດ້ຮູບງາມໆໄວ້ໂພສລົງສື່ອອນລາຍ ແຕ່ກໍເກີດເຫດບໍ່ຄາດຄິດ ໃນຮ້ານຄ່າເຟ້ແຫ່ງໜຶ່ງຢູ່ທີ່ປະເທດໄທ ເມື່ອມີຜູ້ຊາຍຄົນໜຶ່ງຖືກແຟນຂອງຕົນເອງສາດນໍ້າກາເຟໃນຈອກໃສ່ ຫຼັງຖ່າຍຮູບໃຫ້ບໍ່ງາມ ຈົນເຮັດໃຫ້ສະພາບຮ້ານໄດ້ຮັບຄວາມເສຍຫາຍ ເພຈ Bucolic Khaoyai ໄດ້ໂພສຮູບພາບຄວາມເສຍຫາຍພາຍໃນຮ້ານ ທີ່ມີນໍ້າກາເຟເປື້ອນໂຕະ ແລະ ພື້ນ, ຕັ່ງໄມ້ຫັກໄດ້ຮັບຄວາມເສຍຫາຍ, ຈານໃສ່ເຄັກແຕກ, ຫຼັງມີລູກຄ້າຊາຍຍິງຄູ່ໜຶ່ງ ເຊິ່ງເປັນແຟນກັນໄດ້ມີການຜິດຖຽງກັນເກີດຂຶ້ນ ສາເຫດມາຈາກຖ່າຍຮູບໃຫ້ແຟນບໍ່ງາມ ກ່ອນຈະຢ່າງໜີອອກໄປຈາກຮ້ານໝົດທັງສອງຄົນ. ຫຼັງເຈົ້າຂອງຮ້ານອອກມາບອກວ່າ ຮູບຈານທີ່ແຕກ ແລະ ຕັ່ງທີ່ຫັກນັ້ນບໍ່ແມ່ນຝີມືຂອງຄູ່ຮັກດັ່ງກ່າວ ແຕ່ເປັນຝີມືຂອງກໍລະນີຄູ່ອື່ນໆ. ທີ່ມາ: ລາວໂພສ

ໝານ້ອຍຂີ້ດື້ໂຊກຮ້າຍ

ໝານ້ອຍໂຊກຮ້າຍ ຫຼົງດົມເກີບເຈົ້າຂອງ ຮາກອອກກັບບາດ ກິ່ນແຮງປານໃດຖາມໃຈເບິ່ງວ່າຊັນ! ໝາຈົນຮາກແຕກເປັນວີດີໂອທີ່ກຳລັງແຊຣ໌ຫຼາຍໃນຕອນນີ້ ເປັນວີດີໂອຈາກປະເທດຈີນ ໝາສາຍພັນ ເຟຣນບູລດັອກ ຮາກອອກກະຈາຍ ຫຼັງຈາກທີ່ດົມເກີບໜຸ່ມຊາວຈີນຄົນໜຶ່ງ ທີ່ກຳລັງປ່ຽນດອກໄຟໃຫ້ເມຍທີ່ອ້ອມຂ້າງບໍລິເວນກໍ່ຈະມີໝູ່ຄູ່ໃຫ້ກຳລັງໃຈຢູ່ ແຕ່ຕອນທີ່ກຳລັງປົດເກີບຂຶ້ນໄປປ່ຽນດອກໄຟນັ້ນ ເຈົ້າໝາແສນດື້ກໍ່ໄດ້ໄປດົມເອົາເກີບລາວ ຈັກແມ່ນຖືກກິ່ນອັນໃດກະດັກກະດໍ້ ໝາຈົນຕົກໃຈສະດຸ້ງໂດດ ຮາກທັ່ງອອກມາຢ່າງບໍ່ໄວ້ໜ້າເຈົ້າຂອງເລີຍ ຄືສິຂົມຄໍແຮງ ຊົມຄລິບ