ຢັງບໍ່ຫຼາບ ! ຕະຫຼາດສົດອິນເດຍຍັງຄ້າຂາຍສັດປ່າໂດຍທີ່ບໍ່ຢ້ານໂຄວິດ19

85

ຕະຫຼາດສົດອິນເດຍຍັງຄ້າຂາຍສັດປ່າໂດຍທີ່ບໍ່ຢ້ານໂຄວິດ19
ໃນວັນທີ 16 ເດືອນກໍລະກົດ, Mirror ໄດ້ລາຍງານບັນຍາກາດທີ່ໜ້າສະເທືອນໃຈຂອງຕະຫຼາດສົດຫຼາຍແຫ່ງໃນເມືອງຄິມາປຸຣະ ລັດນາຄາແລນຄ໌ ທາງພາກຕາເວັນອອກສ່ຽງເໜືອຂອງອິນເດຍ ທີ່ຂາຍຊີ້ນສັດປ່າແລະໝາຫຼາຍໂຕທີ່ລໍຖ້າເຊືອດຢູ່ ສະທ້ອນການລະເມີດສະຫວັດດີພາບແລະກົດໝາຍຄູ້ມຄອງສັດປ່າເປັນວົງກວ້າງ.

ອົງການຈັດຕັ້ງຂອງປະຊາຊົນເພື່ອການຮັກສາສັດຈະລິຍະທຳ (Petar) ເຜີຍແຜ່ວີດີໂອສະພາບຕະຫຼາດສົດ2ແຫ່ງໄດ້ແກ່ ນູເຕບາຊາຣ໌ ແລະ ສຸຣສັນທະປຸຣະ ທີ່ຈຳໜ່າຍສັດປ່າຢ່າງຜິດກົດໝາຍ ມີທັງອະໄວຍະວະຕ່າງໆຂອງລິງລວມທັງມືລິງ ໝູປ່າ ກວາງ ໝີ ແລະອື່ນໆອີກຫຼາຍຢ່າງ.

Petar ກ່າວວ່າຕະຫລາດສົດທີ່ຂາຍສັດປ່າເຫຼົ່ານີ້ກໍ່ແມ່ນພື້ນຖານການເພາະພັນຂອງເຊື້ອພະຍາດຮ້າຍ. ແລະເປັນສະພາບແວດລ້ອມທີ່ສົມບູນແບບ ສຳລັບການແຜ່ລະບາດຂອງພະຍາດຕິດຕໍ່ຈາກສັດສູ່ຄົນ ແລະກຳລັງເດີນໜ້າຕໍ່ສະໜັບສະໜູນໃຫ້ປະຊາຊົນຊ່ວຍກັນປິດຕະຫຼາດດັ່ງກ່າວ.