ຖືກຈັບກາງສວນຢາງພາລາ ຂອງກາງເກືອບ2ພັນເມັດ

110

ວັນທີ 16 ກໍລະກົດ ປີ 2020 ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ພະແນກຕຳຫຼວດ ປກສ ເມືອງປາກກະດິງ ແຂວງບໍລິຄຳໄຊ ໄດ້ຕິດຕາມກຸ່ມເສບຢາ ແລະ ຄ້າຂາຍຢາເສບຕິດ ຢູ່ ສວນຢາງພາລາ ເຂດບ້ານ ຊ່ອນພັນໄຊ ເມືອງປາກກະດິງ ແຂວງບໍລິຄຳໄຊ ພໍຮອດເວລາ 13 ໂມງ 30 ຂອງທີ 16 ກໍລະກົດ 2020 ຈື່ງສາມາດກັກຕົວຜູ້ຖືກຫາໄດ້ໜື່ງຄົນ, ພ້ອມຂອງກາງ ຢາບ້າ ຈຳນວນ 10 ຖົງ ມີ 1, 979 ເມັດ.

ຜ່ານການສືບສວນ-ສອບສວນ ຈື່ງຮູ້ວ່າຜູ້ຖືກຫາ ຊື່ ທ້າວ ຄຳພີ ອາຍຸ 40 ປີ ຢູ່ບ້ານ ຫ້ວຍທອງ ເມືອງໄຊພູທອງ ແຂວງສະຫວັນນະເຂດ ຜູ້ກ່ຽວແມ່ນມາຮັບຈ້າງກີດຢາງພາລາ ຢູ່ບ້ານຊ່ອນພັນໄຊ ເມືອງປາກກະດິງ ແຂວງບໍລິຄຳໄຊ ຈື່ງໄດ້ສວຍໂອກາດເອົາຖຽງສວນຢາງພາລາ ເປັນບ່ອນຄ້າຂາຍ ແລະ ມົ້ວສູມ ເສບຢາເສບຕິດ

ປະຈຸບັນນີ້ເຈົ້າໜ້າທີ່ກອງບັນຊາການ ປກສ ເມືອງປາກກະດິງ ພວມດຳເນີນການສືບສວນ-ສອບສວນເພື່ອຂະຫຍາຍຜົນຫາກຸ່ມແກ້ງຮ່ວມຂະບວນການມາດຳເນີນຄະດີຕາມລະບຽບກົດໝາຍ.