ກອງບັນຊາການທະຫານແຂວງວຽງຈັນ ປະກາດເລື່ອນຊັ້ນໃຫ້ນາຍທະຫານ.

193

ໃນວັນທີ 15 ກໍລະກົດ 2020 ກອງບັນຊາການທະຫານແຂວງ ວຽງຈັນ ໄດ້ຈັດພິທີປະກາດເລື່ອນ ຊັ້ນ ໃຫ້ນາຍທະຫານທົ່ວກົມກອງ ຂອງຕົນ, ໂດຍພາຍໃຕ້ການເປັນ ປະທານ ຂອງ ສະຫາຍ ພົນຈັດ ຕະວາ ບຸນມາ ວົງດາລາແສນ ກໍາ ມະການພັກແຂວງ, ເລຂາຄະນະ ພັກ, ຫົວໜ້າການທະຫານກອງ ບັນຊາການທະຫານແຂວງວຽງ ຈັນ, ມີຄະນະພັກ-ຄະນະບັນຊາອົງການ 5 ຫ້ອງ, ຫົວໜ້າພະ ແນກ-ຮອງພະແນກ, ກົມກອງ ອ້ອມຂ້າງ, ໂຮງຮຽນ, ໂຮງໝໍ, ພະ ນັກງານ-ນັກຮົບຕະຫຼອດຮອດຜູ້ ໄດ້ຮັບການເລື່ອນຊັ້ນໃໝ່ເຂົ້າ ຮ່ວມ.

ສະຫາຍ ພັນໂທ ຫຸມພັນ ສີສົມ ພອນ ຄະນະພັກກອງບັນຊາການ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງ ວຽງຈັນ, ໄດ້ຂຶ້ນຜ່ານຂໍ້ຕົກລົງ ຂອງ ກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການ ເມືອງກອງທັບ ວ່າດ້ວຍ ການ ເລື່ອນຊັ້ນ ໃຫ້ນາຍທະຫານຢູ່ກອງ ບັນຊາການທະຫານແຂວງວຽງ ຈັນ, ໂດຍອີງຕາມກົດໝາຍນາຍ ທະຫານກອງທັບປະຊາຊົນລາວ (ສະບັບປຸງ) ໃນພາກທີ II ໝວດທີ 03, ມາດຕາ 22 ແລະ 23.

ໃນ ນັ້ນຢູ່ກອງບັນຊາການທະຫານ ແຂວງວຽງຈັນ ມີຜູ້ໄດ້ຮັບການ ເລື່ອນຊັ້ນຮ້ອຍເອກຂຶ້ນພັນຕີຈຳ ນວນ 77 ສະຫາຍ, ເລື່ອນຊັ້ນ ຮ້ອຍໂທຂຶ້ນຮ້ອຍເອກຈຳນວນ 14 ສະຫາຍ, ເລື່ອນຊັ້ນຮ້ອຍຕີຂຶ້ນ ຮ້ອຍໂທຈຳນວນ 18 ສະຫາຍ ແລະ ເລື່ອນຊັ້ນວາທີຂຶ້ນຮ້ອຍຕີ ຈຳນວນ 18 ສະຫາຍ ລວມທັງ ໝົດ 127 ສະຫາຍ, ໃນພິທີຍັງໄດ້ ຜ່ານຂໍ້ຕົກລົງຊົ່ວຄາວ ວ່າດ້ວຍ ການແຕ່ງຕັ້ງຫົວໜ້າພະແນກ ແລະ ຮອງພະແນກທີ່ຂຶ້ນກັບຫ້ອງ ການເມືອງກອງບັນຊາການທະ ຫານແຂວງວຽງຈັນອີກຈໍານວນ ໜຶ່ງ.

ໂອກາດດັ່ງກ່າວ ສະຫາຍ ພົນ ຈັດຕະວາ ບຸນມາ ວົງດາລາແສນ ກໍໄດ້ເປັນກຽດໂອ້ລົມ ແລະ ໃຫ້ທິດ ຊີ້ນຳຫຼາຍບັນຫາສຳຄັນຕໍ່ນາຍ ທະຫານທີ່ໄດ້ຮັບການເລື່ອນຊັ້ນ, ພ້ອມທັງໄດ້ເນັ້ນໜັກໃຫ້ແຕ່ລະສະ ຫາຍສືບຕໍ່ເຝິກຝົນຫຼໍ່ຫຼອມຕົນເອງ ໃຫ້ມີຄວາມກ້າວໜ້າ, ເພີ່ມທະວີ ຄວາມສາມັກຄີເປັນປຶກແຜ່ນແໜ້ນ ໜາ, ປັບປຸງແບບແຜນວິທີເຮັດ ວຽກໃຫ້ດີຂຶ້ນກ່ວາເກົ່າ, ຮັກສາ ຄວາມເປັນແບບຢ່າງຂອງພະນັກ ງານທີ່ດີ ໃນການເຝິກຝົນຫຼໍ່ໍຫຼອມ ຕົນເອງຮອບດ້ານ ແລະ ຕັ້ງໜ້າ ເຮັດວຽກງານວິຊາສະເພາະຂອງ ຕົນຕາມທີ່ການຈັດຕັ້ງມອບໝາຍ ໃຫ້ມີຜົນສຳເລັດສູງຍິ່ງໆ ຂຶ້ນ.

ໂດຍ: ສາຍຄໍາ ພອນມະນີ