ສະຫຼຸບຂ່າວ ລະເບີດຊັອກຊາວໂລກທີ່ນະຄອນເບຣຸດ

54


ນະຄອນເບຣຸດຢູ່ໃສ
ເບຣຸດ (Beirut) ເປັນເມືອງຫຼວງຂອງປະເທດເລບານອນ ແລ້ວຍັງເປັນເມືອງທ່າສຳຄັນ ເປັນເມືອງເກົ່າແກ່ ເປັນສູນກາງການສຶກສາມີມະຫາວິທະຍາໄລຫຼາຍແຫ່ງຕັ້ງຢູ່ທີ່ນີ້ ແລະ ເປັນເມືອງທີ່ໃຫ່ຍທີ່ສຸດຂອງເລບານອນ.
ນະຄອນເບຣຸດມີນເນື້ອທີ່ 19,8ຕາລາງກິໂລແມັດ ມີປະຊາກອນຫຼາຍກວ່າ2,4ລ້ານຄົນ ເປັນເມືອງທີ່ມີທິວທັດສວຍງາມ.

ເລບານອນກຳລັງຢູ່ໃນສະພາບທີ່ໂຫດຮ້າຍ ຈາກການລະບາດຂອງໂລກໂຄວິດ-19 ການລົ້ມລະລາຍທາງເສດຖະກິດ ຄວາມຂັດແຍ້ງແລະປະທະກັນລະຫວ່າງລັດຖະບານກັບຜູ້ຊຸມນຸມຕໍ່ຕ້ານ ແລະຄວາມຕຶງຄຽດຊາຍແດນກັບອິສະລາເອວ

ແຕ່ເບິ່ງຄືພວກເຂົາຍັງຈະຕົກຢູ່ໃນສະຕາກຳລຳບາກບໍ່ພໍຍັງເກີດມີເຫດການລະເບີດຊັອກຊາວໂລກທີ່ນະຄອນເບຣຸດ
ວັນທີ່ 4ສິງຫາ ເວລາ18:00 ຕົງກັບເວລາປະເທດລາວ 22:00 ເກີດລະເບີດຄັ້ງໃຫ່ຍຂຶ້ນບໍລິເວນທ່າເຮືອໃນນະຄອນເບຣຸດ 2ຄັ້ງ ໂດຍຄັ້ງທີ່2ຫ່າງຈາກຄັ້ງທຳອິດ 15ນາທີແລະຮຸນແຮງກວ່າການລະເບີດຄັ້ງທຳອິດຫຼາຍ.


ແຮງລະເບີດກໍ່ໃຫ້ເກີດກຸ່ມຄວັນສີແດງ ແລະ ກຸ່ມຄວັນຮູບດອກເຫັດສູງຫຼາຍຮ້ອຍແມັດເໜືອທ້ແອງຟ້ານະຄອນເບຣຸດ ກາຍເປັນພາບທີ່ຊັອກຄົນທັງໂລກ ແຮງສັ່ນສະເທືອນໄປໄກຮອດເກາະໄຊປຣັສ ເຊິ່ງຫ່າງອອກໄປ 240KM
ອາຄານບ້ານເຮືອນໃນລັດສະໝີ10ກິໂລແມັດ ໄດ້ຮັບຄວາມເສຍຫາຍ ຜູ້ຄົນຕິດຢູ່ໃນຊາກອາຄານສຽງສັນຍານເຕືອນໄພ ສຽງກີດຮ້ອງດັງໂຫຍຫວນທົ່ວເມືອງ ໂຮງໝໍເຕັມໄປດ້ວຍຄົນເຈັບຄາບເລືອດນ້ຳຕາແລະສຽງຮ້ອງໂອດໂອຍ, ຍອດຜູ້ເສຍຊີວິດລ່າສຸດ 78ຄົນ ຍອດຜູ້ບາດເຈັບ 4,000ຄົນ, ອັບເດດລ່າສຸດ 06:25ນາທີ ວັນທີ 05ສິງຫາ.


ຄວາມເປັນໄປໄດ້ຂອງເຫດການນີ້
ຍັງບໍ່ມີການຢືນຢັນທີ່ຊັດເຈນວ່າເຫດການນີ້ເກີດຂຶ້ນຈາກຫຍັງແຕ່ສາມາດປະມວນຄວາມເປັນໄປໄດ້ຈາກຂ່າວຕ່າງໆດັ່ງນີ້:


ສຳນັກຂ່າວທ້ອງຖິ່ນຂອງເລບານອນລາຍງານວ່າ ຈຸດລະເບີດເປັນສາງເກັບດອກໄມ້ໄຟໃກ້ກັບທ່າເຮືອ ທຳອິດເກີດໄຟໄໝ້ກ່ອນແລ້ວຈຶ່ງເກີດລະເບີດຕາມມາ, ລັດຖະມົນຕີກະຊວງສາທາລະນະສຸກຂອງເລບານອນບອກວ່າລະເບີດໜ້າຈະມາຈາກເຮືອລຳໜຶ່ງເຊິ່ງບັນຈຸດອກໄມ້ໄຟແລ້ວມາຈອດໄວ້ທ່າເຮືອເມືອງເບຣຸດ, ນາຍຍົກລັດຖະມົນຕີເລບານອນເຊື່ອວ່າ ໜ້າຈະເກີດຈາກການລະເບີດຂອງສາງສິນຄ້າບໍລິເວນທ່າເຮືອ ເຊິ່ງເກັບສານແອມໂມນຽມໄນເຕຣທໄວ້ເຖິງ 2,750ຕັນ ຕັ້ງແຕ່ 6ປີກ່ອນ ເຊິ່ງໜ່ວຍງານລັດເຄີຍອອກມາເຕືອນແຕ່ປີ2014ແລ້ວວ່າມີຄວາມສ່ຽງ.


ແຕ່ກໍ່ມີຄົນພຸ່ງຄວາມສົງໄສໄປອິສລາເອວຄືກັນແຕ່ລ່າສຸດກອງທັບອິສລາເອວອອກມາຢືນຢັນວ່າບໍ່ໄດ້ຢູ່ໃນເບື້ອງຫຼັງເຫດການນີ້ແນ່ນອນ.
ອີກຝ່າຍທີ່ຖືກສົງໄສຄື ກຸ່ມຮິຊບອລເລາະຫ໌ (ກຸ່ມຕິດອາວຸດຂອງຊາວມຸສລິມນິກາຍຊີອະໃນເລບານອນ)ເນື່ອງຈາກກຳລັງຈະມີການຕັດສິນຄະດີລອບສັງຫານອາດີດນາຍົກລັດຖະມົນຕີລາບານອນໃນວັນທີ່ 07ສິງຫານີ້ ແລະ ຜູ້ຕ້ອງຫາ4ຄົນເປັນສະມາຊິກກຸ່ມນນີ້ແຕ່ຮິຊບອລເລາະຫ໌ປະຕິເສດແລ້ວວ່າພວກເຂົາບໍ່ກ່ຽວຂ້ອງກັບເຫດການຄັ້ງນີ້.
ລ່າສຸດໄດ້ຂໍ້ສະຫຼຸບເບື້ອງຕົ້ນແລ້ວວ່າເກີດຈາກໄຟໄໝ້ສາງເກັບແອມໂມນຽມໄນເຕຣທຈຳນວນ 2,750ຕັນ ເຊິ່ງຍຶດມາຈາກເຮືອອີກລຳໜຶ່ງ ຈົນເກີດລະເບີດຮຸນແຮງຂຶ້ນເຮັດໃຫ້ລັດຖະບານຖືກຕັ້ງຄຳຖາມວ່າ ເປັນຫຍັງຈຶ່ງອະນຸຍາດໃຫ້ເກັບສານເຄມີຈຳນວນມະຫາສານໄວ້ແບບນີ້ໃນຊຸມຊົນໄດ້.

Pray For Beirut